• Um Kolvið
• Nafnið
• Upphafið
• Hugmyndafræðin
• Markmið
• Kolviðarskógar
• Stjórn og fagráð
• Bakhjarlar
• Stofnendur
• Ársreikningur
• Reiknivél
• Af hverju kolefnisjöfnun?
• Vottun og innra eftirlit
• Fyrirtæki sem hafa kolefnisjafnað sig
• Auglýsingar
• Spurt og svarað
• Loftslagsbreytingar
• Minnkun útblásturs CO2

Kolviðarskógar eru skógar sem eru ræktaðir eða friðaðir í þeim tilgangi að sporna við uppsöfnun koldíoxíðs (CO2) í andrúmsloftinu.
Með ljóstilltífun breyta tré koldíoxíð og vatni í sykrur (kolefnasambönd) og skilja út súrefni. Kolefni binst í stofni, rótum og greinum en einnig í skógarbotni og í jarðvegi. Kolviður hefur valið þá leið að reikna aðeins með þeirri bindingu sem á sér stað á trjábolum og rótum trjánna. Þannig á sér stað umtalsverð binding umfram þá sem Kolviður reiknar sér til bókar.
Bindigeta skóga er breytileg eftir landgæðum og tegundasamsetningu skógarins. Samkvæmt rannsóknum Rannsóknarstöðvar Skógræktar ríkisins getur árleg binding numið um og yfir 20 tonn af CO2 á hektara. Val trjátegunda hefur einnig áhrif. Sumar trjátegundir lifa um mannsaldur en aðrar vaxa í mörg hundruð ár. Fái náttúran að hafa sinn gang fellur gamli skógurinn og kolefnið binst í sverðinum og ný kynslóð tekur við.

Á illa förnu landi verða ræktaðir fjölbreyttir skógar sem binda kolefni auk þess sem þeir gegna fjölþættu hlutverki fyrir menn og lífríki. Kolviðarskógar sem ræktaðir eru á Íslandi skulu verða opnir almenningi sem yndisskógar. Þá má grisja og hirða en ekki er gert ráð fyrir að viður sé numinn á brott úr skóginum. Gengið er þannig frá samningum við landeigendur að ef skógur þarf að víkja fyrir öðrum landnotum fái Kolviður tapaða bindingu að fullu bættar.

Kolviður vinnur eftir leiðbeiningum Skógræktarfélags Íslands “Skógrækt í sátt við umhverfið” http://www.skog.is/leidbeiningar.htm og rammasamning Sameinuðu þjóðanna um loftslagsbreytingar http://cdm.unfccc.int/Projects/pac/pac_ar.html. Leiðbeiningar um Skógrækt í sátt við umhverfið voru unnar í samvinnu við allar helstu stofnanir á sviði náttúruverndar og landgræðslu og umhverfisverndarsamtök. Þar eru upplýsingar um hvaða þættir það eru sem þarf að taka tillit til eða varast við skógrækt, t.d. hvað varðar náttúruvernd. Kolviður gerir langtímasamninga við landeigendur og skógræktendur um ræktun kolefnisskóga á áður skóglausu landi.


Endurheimt náttúruskóga

Birkiskógar
Fyrir landnám var birkiskógur ríkjandi í vistkerfi á þurrlendi Íslands, en þekja nú aðeins um 1% landsins. Ríkur vilji er meðal þjóðarinnar að auka flatarmál birkiskóga og Kolviður fjármagnar ræktun og friðun þeirra.

Regnskógar
Víða í þróunarlöndum er skógeyðing alvarlegt vandamál. Í framtíðinni mun Kolviður taka þátt í verkefnum í þróunarlöndum sem uppfylla skilyrði sjóðsins um öryggi, siðareglur og ábyrga umhverfisstefnu.